Nor gara

Brian Cullen Bruneval
Tolosaldeko turismo bulegoko informatzailea naiz. Tolosan egiten dut lan eta 4 hizkuntza hitz egiten ditut (euskara, gaztelania, ingelesa eta frantsesa). Bulegoarekin harremanetan jartzen direnei arreta eskaintzen diet eta bisita gidatuak egiten ditut Tolosan.

Maite Arregui Sierra

Tolosaldeko turismo bulegoko informatzailea naiz. Tolosan egiten dut lan eta 4 hizkuntza hitz egiten ditut (euskara, gaztelania, ingelesa eta frantsesa). Bulegoarekin harremanetan jartzen direnei arreta eskaintzen diet eta bisita gidatuak egiten ditut Tolosan.

Tolosaldeko informazio turistiko eguneratuena bilatuko duzun lekua da turismo bulegoa.

• Tolosaldea, Gipuzkoa eta Euskadiko eskuorriak.
• Autokontsultarako gune digitala.
• Bisita birtualak egiteko betaurrekoak.
• Oroigarriak.

Tolosako Alde Zaharra, Andre Mari Eliza eta Tolosako azokara bisita gidatuak egiten dira bertatik, euskaraz, gazteleraz, frantzesez eta ingeleraz.

Gure helburua Tolosaldeko garapen turistikoa modu koordinatu eta parte-hartzailean bideratzea da. Horretarako hainbat lan mahai baliatzen ditugu eta besteak beste, Tolosaldeko proiektu turistikoen kudeaketa, jarraipena eta dinamizazioa lantzen ditugu.

Turismo Sailaren lan ildoak hauek dira:

• Tolosaldea helmuga turistikoaren kudeaketa parte-hartzailea
• Helmugaren Lehiakortasuna eta iraunkortasuna hobetzeko proiektuak, sektore pribatuarekin batera
• Tolosaldearen erakargarritasuna eta bisitarien esperientzia turistikoa hobetzeko proiektuak
• Turistari informazioa eman eta harrera egitea

Aloña Garmendia Osinalde

Turismo teknikaria naiz. Produktu eta lehiakortasun turistikoa dira nire lan arlo nagusiak. Sektore pribatuarekin egiten dut lan zerbitzuen etengabeko hobekuntzan laguntzeko.

Euskadiko Turismoaren Kode Etikoaren helburua da erakunde turistiko guztiek erantzukizun sozialak eta ingurumenaren eta ekonomiaren iraunkortasuna eguneroko jardunean txertatzea. Bertan, Turismoaren Mundu Erakundeak garatu zuen Munduko Kode Etikoaren printzipioak egokitzen dira, baita Nazio Batuen 2030 Agendaren Garapen Iraunkorreko helburuak ere; eta euskal berezitasunak eta gure kulturaren berezko elementuak gehitzen dira.

Kode hau sinatuta, erakunde turistikoek tokiko kultura eta tradizioa eta kultura-ondareko elementuak errespetatzeko eta zaintzeko konpromiso garrantzitsua hartzen dute. Konpromiso hori pizgarriekin lotuta egongo da, tokiko komunitateak jarduera turistikoekin elkartu daitezen eta horien onura ekonomikoak, sozialak eta kulturalak jaso ditzaten, batez ere enplegua.

Erakunde sinatzaileek Euskal Turismoko Etika Erregistroa osatzen dute. Erregistro horren kudeaketa eta eguneratzea Euskal Turismoko Etika Batzordearen ardura izango da.

Tolosaldea Premium-ek eskualdea helmuga turistiko ‘premium’ gisa kokatzen du eta mota honetako bezeroei zuzendutako enpresekin batera eskaintza turistiko berezia garatzeko aukera ematen digu.

Proiektuarekin bat egiten duten enpresek hainbat onura dituzte, baina baldintza eta konpromiso batzuk bete behar dituzte, Tolosaldea premium turismoaren barruan erreferentzia bihurtzeko helburuarekin.

Eusko Jaurlaritzako Merkataritza, Kontsumo eta Turismo Sailak eta Basquetour Turismoaren Euskal Agentziak sustatutako sarea da, eta helburu hau du: Euskadiko gastronomia-turismoaren eskaintza egituratzea eta haren benetakotasuna eta bikaintasuna bermatzea.

Euskadi Gastronomika sarea euskal kultura gastronomikoarekin lotutako enpresek, profesionalek eta erakundeek osatzen dute. Enpresa horiek balio eta lan-filosofia berberak dituzte, eta zerbitzuaren bikaintasunarekin konprometituta daude, Euskadik nazioarteko erreferentziazko helmuga gastronomiko gisa duen nagusitasunari eutsi ahal izan diezaion.