Apirilaren 30ean, osteguna, Uxue Lasa Ameztoy artista getariarraren “Kutxak, gorpuutxak eta altxorrak” erakusketa irekiko da Anbigun aretoan eta ekainaren 28ra arte egongo da ikusgai.

Erakusketa honetan Uxuek bere ibilbide artistikoaren alderdi pertsonalena erakutsi nahi izan du, urteetan jaso ditudan objektu-altxor kuttunenak kutxetan, ametsak diruditen konposizioak osatuz, eta kutxetatik kanpo, barruan egon zitezkeen gorputz, izaki eta paisaia surrealista handiagoak. Begiak, likenak, loreak, harriak, hezurrak, animaliak, gorputzak, bizitza, heriotza… azken finean, natura arte erakusketa bilakatuta.

Uxue Lasa Ameztoy Getarian jaioa, 1984an. Rosa Valverderen ikaslea izan zen, eta bertatik ikasi eta garatu zuen kutxen gaia, amaigabeko mundu imajinarioak sortzeko aukera ematen diona, non surrealismoak eta absurdo existentzialak hartzen duten trama honen zati handi bat, horretara jotzen du noizean behin, pintura edo eskultura beste lanekin partekatuz. Beti material eta teknika berriak esperimentatzeko prest, edo argi eta garbi erabilerarik gabe geratu diren materialekin, igeltsua adibidez, helburu eta onura berriak aurkitzeko gai da Uxue. Bere lanetan koloreak garrantzi nabarmena hartzen du, freskotasuna eta nolabaiteko aire informala emanez. Vicente Ameztoyren ama-osabaren eragina nabaria du, bai Lasak mugitzen dituen gaietan, bai bere lanari heldu eta garatzeko moduan.

Euskal Herriko eskultoreen elkartearen lehendakariorde izan da, erakusketa ugarietan parte hartu du baita antolatu ere eta azken urteetan Ur mara museoko lan taldeko kidea da.