Txindoki ibilbidea

Ibilbide luze eta zoragarri honetan, Aralarren aurki ditzakegun paisaia mota batzuk ikusiko ditugu. San Martin elizatik abiatuta baserriz betetako inguruan murgilduko gara.

Larraitz aisialdi-gunea atzean utzi ondoren, Txindoki mendiko lehen aldapetan Goierri eta Tolosaldea eskualdeak ageri dira, herri-gune txikiekin, baserriekin, labore ezberdinekin osatutako larreekin eta Ibiur urtegiarekin.

Txindokiren presentzia gero eta handiagoa den heinean, Aralarko goi larreak ikusten dira eta bertako morfologia bihurgunetsuaz gozatzeko aukera eskaintzen da. Artzainen bordak, lizarrez eta hesiz inguratuta. Azkenean, pinudi eta hariztien arteko bidezidorretatik jaitsiko gara.