Leaburu-Txarama
Industria eta paisaiaren artean
Leaburu-Txarama bi auzotan banatutako herri txiki bat da: bata landatarra, Leaburu abegitsua, ikuspegi ederrak dituen muino txiki baten gainean kokatua, eta bestea industriala, Txarama, Araxes bailararen hondoan kokatua.
394 habitantes
San Pedro, ekainak 29
Qué ver en Leaburu-Txarama
Leaburu-Txarama bisitatzen baduzu, ezin dituzu ilunabarrak galdu frontoiaren aurreko parketik, eskualdeko balkoirik onenetakoa baita eguzkia erortzen ikusteko. Herriaren sarreran, San Sebastian Baselizak Zazpibide bidezidor famaturako bidegurutzea zaintzen du eta, mendiaren magalean, Baratzondo Baserriak ikuskizun bisuala eskaintzen du udan, piperminen soroek paisaia berdea tindatzen dutenean.
Parketik ikusten diren ilunabarrak
Leaburuk lasaitasuna du ezaugarri nagusietako bat. Inguruko jende asko joaten da frontoian pilotan jokatzera edo paseatzera. Bista oso zabala duenez, frontoiaren parean dagoen parketik ilunabarraz gozatzea luxu handia da egun oskarbietan.
San Pedro eliza
Oinplano laukizuzeneko eraikina da, harlanduzko hormak, gurutze-gangak eta bataiarri deigarria dituena barrualdean. Herriko etxeak bere inguruan pilatzen dira.
San Sebastian ermita
Herriaren sarreran dago, Gaztelurako bidegurutzearen ondoan. Urtarrilaren 20an meza ospatzen da bertan eta dantza egiten da. Bertatik, inguruko bidezidor ezagunenetako bat igarotzen da: Zazpibide izenekoa, zazpi bideko bidegurutze batera eramaten duena.
Baratzondo baserria
Zubelzu familiarena da, Ibarrako piparra ekoizten du eta oso eraikin berezia da. Bereziki ederra da bere ingurua ekainetik abuztura, piper-landareak piperrez beteta dauden hilabeteetan, berde kolore bizia hartzen duenean.
Txarama
Tolosako eta inguruko papergintzaren aztarnak garbi ikusten diren auzoa da Txarama. Paper fabrika abandonatu bat dago, baina haren inguruan Araxeseko ura aprobetxatzeko egindako ingeniaritza lanaren zati handi bat ere kontserbatzen da. Gaur egun, arrantza asko egiten da inguru horretan, eta udan ere izaten da presara joaten denik uretan freskatzera.
Leaburu-Txarama
iruditan
IKUSI GUZTIA
