Ia mende bateko tradizioa duen beste gozotegi erreferenteetako bat da Eceiza. Bi kafetegi/gozotegi ditu Tolosan bertan: bata alde zaharrean, Rondilla kalean, eta bestea zentroko San Frantzisko pasealekuan.

Bietan gosari edo merienda goxoez goza daiteke, baita dozenaka gozo erosi ere. Teila eta Zigarrotxoak eta Eceizako bonbak –krema, nata edo chantillyz beteak– dira ezagunenak, baina askoz ere gehiago topatuko duzu:, pastak, pastelak, tartak, helatuak, opil artisauak…